Mahi

He aha ngā hua o te panoni, o te whakarite rānei i ngā kaupapa auaha hei whakapiki i te hauora o ngā tāngata ki ngā wāhi mahi?

Mō te hunga rangatakapū, mō ngā pāhake anō hoki, kei te takiwā o te haurua o tō tātou oranga tātou e noho ana ki ō tātou wāhi mahi, ā, he āheinga nui e puare mai ana ki te whakapiki i te hauora o te tangata ki ngā wāhi mahi.

E mārama ana te kitea, ehara i te mea he utu kei te haere mō te aro ki te oranga o ngā kaimahi, engari kē, he nui ngā hua ka puta i tēnei mahi.

Anei ētahi o ngā hua ka puta i ngā kaimahi mēnā e ora pai ana rātou:

  • he tokoiti ngā rangi māuiui

  • ka heke ngā taumata o te kōhuki

  • ka pai ake ngā waiaro

  • ka mataara akei, ā, ka heke ngā tatauranga o te aituā

  • ka nui ake ngā hua mahi

  • inā noa atu te mokori

  • ka harikoa, ka manawaroa

infographic work-1.jpg

He mihi nui ki a Lilburn Transport mō rātou i panoni i ngā āhuatanga o te mahi kia hua ake ai te hauora. Ki te rongo i ngā kōrero e pā ana ki a rātou, mātaki mai i te whitiāhua i raro iho nei.

Ka tipu te hiahia o ngā tāngata ki te mahi ki ngā wāhi mahi e aro ana ki ō rātou hauora, ka mutu ka eke panuku ngā wāhi mahi e rongonui ana mō te manaaki kaimahi i roto i ā rātou mahi. He nui tonu ngā hua ka puta i te panonitanga, i te whakaritenga rānei o ngā kaupapa auaha hei whakapiki i te hauora o ngā tāngata ki ngā wāhi mahi.

Tirohia te wāhanga Rauemi hei tiki ake i ngā keteparaha me ngā hīti tohutohu kia whai mātauranga hei whanake i te hauora o ngā tāngata ki ngā wāhi e mahi nei koe.

Whakapā mai ki te tīma ki te whai tautoko i a mātou.

NOHO

AKO

TĀKARO

Whakapā Mai

White logo transparent.png